Unidade, lealdade e operatividade

Estas tres verbas definían o proxecto que Alternativa pola Unidade presentaba ante o/as militantes do BNG para o seu refrrendo. Era maio do 2009. Celebrábase no Palacio de Congresos de Compostela e a pesares de ser a primeira asemblea realizada polo métido do/as delegado/as, apenas cabíamos todo/as ni Auditorio Principal.

Onte se escinificou a derradeira farsa dun reducido sector do nacionalismo que interiorizou un discurso fondamente sementado nos mesmos medios de prensa que ningunean o discurso transformador do Bloque Nacionalista Galego. Non precisaron da Sala Santiago, cun aforo de arredor de mil seiscentas persoas, co Sala Obradoiro (aforo de catrocentas persoas) chegóulles de abondo. Un grupo de militantes que representaban entorno ao dez por cento dos asistentes á XIII Asemblea Nacional, apenas hai dez días, acadaban a suficiente repercusión mediática como para compartir portada coas revoltas en Grecia ou o lanzamento do Xatcobeo. Seguir lendo

Advertisements

Reflexións entorno á entrevista a Beiras na Ser

Entre o final dunha plácida xunta de propietarios e a chegada á praia de Meira, tiven a ocasión de escoitar a entrevista que a cadea SER realizou a Xosé Manoel Beiras o pasado Domingo. O meu tocaio (como pode lerse na adicatoria que tiven o pracer de obter na lonxana Asemblea Nacional do BNG celebrada en Ferrol e á que asistín, daquela, como convidado) sondeou a situación do BNG. O bloque é a súa casa, non no sentido dun propietario, sinón do punto de vista do arquitecto. Non se pode entender a existencia do BNG e os seus éxitos sin a figura do Beiras.

Pero ese pasado e aqueles tempos gloriosos non dan nin quitan razóns. Beiras hai tempo que ten acusado o escaso respaldo que a militancia lle deu cando lanzou un pulso á Executiva Nacional. Lamentablemente, éses que tanto abrían a boca situándoo nun pedestal, á hora de darlle un respaldo cando o precisaba, calaron ou simplemente non apareceron. Seguir lendo

Prepárase un libro sobre Moncho Reboiras

O 12 de agosto cúmprense 34 anos do asasinato do militante da UPG Moncho Reboiras por parte da policía franquista en Ferrol. Desta vez, coincidindo coa conmemoración do cabodano, a UPG e a Fundación Bautista Álvarez de Estudos Nacionalistas presentarán unha escolma de artigos coa que homenaxearán a Reboiras.

Ademais de retratar a imaxe persoal e o anecdotario do que fora militante da UPG, o libro, escrito por persoas que estabeleceron trato con Reboiras ou que compartiron con el o contexto político da época, tamén explora a importancia do nacionalismo galego entre o 1968 e 1975. (Extraido de A Nosa Terra).